Тендер барои интихоби ташкилоти аудиторӣ

ҶДММ ТАҚХ «Бабр Капитал» оид ба интихоби ташкилоти аудиторӣ барои аудити ҳисоботи молиявии ҶДММ ТАҚХ «Бабр Капитал» мутобиқи меъёрҳои байналмилалии аудит барои соли молиявӣ, ки 31 декабри соли 2026 ба охир мерасад, тендер эълон менамояд. Ширкатҳои аудиторие, ки дорои иҷозати Бонки миллии Тоҷикистон барои гузаронидани аудити ҳисоботи молиявии бонкҳо мебошанд, барои иштирок дар ин тендер даъват карда мешаванд. Барои иштирок дар тендер бояд ба ҶДММ ТАҚХ «Бабр Капитал» маҷмӯи ҳуҷҷатҳои зеринро пешниҳод намоянд: • нусхаи нотариалии хуҷҷатҳои таъсисии ташкилоти аудиторӣ бо назардошти тағйироту иловаҳо; • тавозун ва ҳисобот дар бораи фоидаи ташкилоти аудиторӣ дар санаи охирини ҳисоботӣ; • лоиҳаи шартнома, ки дар он арзиш, санаи оғоз, нақша ва муҳлати гузаронидан, методологияи аудит нишон дода шудааст. Дархостҳои тендерӣ бо забонҳои тоҷикӣ, русӣ ё англисӣ, ки мувофиқи тамоми талабот тартиб дода шудаанд, бо аломати “Барои Тендер” дар лифофаҳои муҳршуда, бо имзои роҳбари ширкат ва муҳр ба суроғаҳои зерин: Ҷумҳурии Тоҷикистон, 734064, ш. Душанбе, кӯчаи Шамсӣ 4, ҶДММ ТАҚХ «Бабр Капитал», ё ба почтаи электронии: info@babr.tj ирсол карда шаванд.